قلب اللوز أو الشامية

سلام عليكم

هاد شامية شفتها عند أخت زين الواضح فمنتدى الجمال المغربي وطبقتها وجات روعة

المقادير:
800 غرام السميدة
300 غرام سكر
ملعقة كبيرة قرفة
500 غرام لوز مقشر و مطحون
250 غرام زبدة مدابة
كاس كبير ماء الزهر


800 غرام عسل للتعسيل


هنا السميدة و السكر و القرفة

هنا زيدت اللوز

     خلطت كلشي

 
و جمعت الخليط بالزبدة و ماء الزهر

في صنية مدهونة بالزبدة عملت الخليط و ساويتو بيدي مزيان

  ثم عملت شريطات على هاد الشكل

و في وسط كل واحدة عملت لوزة

دخلت الصنية للفرن على درجة حرارة 250 شي 20 دقيقة
بعد ما خرجتها كبيت عليها ديركت العسل الي مسخن في البان ماري
وخليتها ليلة كاملة في الصنية باش تتشرب العسل..