حلوى اقتصادية مرخمة بالشكلاط

بسم الله الرحمن الرحيمبالنسبة للكاس اللي كنعبرو بيه الزيت والسكر فهو كاس صغير
وضعتو ضمن المقادير فالصورة.

 

6 بيضات كاملين
رشة ملح
4 خميرات
2 لافاني
6 كيسان صغار زيت
6كيسان صغار سكر صقيل
الدقيق الكافي لجمع العجينة غير القياس ومانكثروشي منو حتى لاتحدث بها تشققات

نقسم لعجينة ونضيف لواحد قسم شوكلاط غبرة

بعدما كنجمعو العجينة ...حتى هي نوجدو منه كرات متساوية الحجم فحال اللي فالصورة

نرشو القليل من الدقيق فوق طاولة العمل ونحاولو نكرصو الكرات الواحدة
تلو الاخرى ونعملوهم فوق بعضم وكنخالفو اللونين ...يعني
ادا بدينا بالكرة البيضاء نعملو فوقها الكرة السوداء
وهكذا دواليك...

وهاد العملية ضروووووري ان تتم مباشرة فوق
الصينية اللي غاتطيب فيها الحلوى فالفرن ...واللي لازم تكون مدهونة
بقليل من الزيت* اقصد الصينية*..

من بعد كنكرصو الكرات الثمانية كلهم وهوما فوق بعضم..
.ونراعي ان يكون السمك متساويا ...
بحيث كنحصلو على شكل خبزة كبيرة
كنغطيوها ونخليوها تخمر لمدة ساعة

دوبت الشكلاط الاسود مع ملعقة صغيرة من الزيت ودهنت بيه الوجه كامل
ورشيت بشوكلط أبيض محكوك

بالصحة والراحة