سلام عليكم
هاد الكيكة مالحة شفتها عند أخت نجاة وعجبتني بزاف وجربتها وجات روعة تصلح للمناسبات كيف ما كتصلح للأيامات لعادية
أنا عملتها نلعشا جات خفيفة وعجبتني بزاف
شكرا أختي نجاة والله يجعل كل مكتقدمو فميزان حسناتك
كأس ياغورت مسوس ، كأس ياغورت عامر بزيت الزيتون ، 3 كيسان ياغورت عامرين بالطحين ، 4 بيضات ، 2 خميرات الحلوة ، 1/2 فلفلة حمراء وخضراء وصفراء مشويين ومقطعين طريفات صغار ومشحرين في شوية الزيت الزيتون مع ملح و إبزار، 5 بيضات مصلوقين ، بصلة مشلذة ومشحرة في زيت الزيتون مع ملح وإبزار، شوية الزيتون أسود مقطع طريفات أو دواور
نخلط البيض + ياغورت + زيت الزيتون بالفوي
ثم نزيد الطحين مخلط مع الخميرة
نخلطهم جيدا عاد نزيد عليهم الفلافل الثلاث والبصلة
من بعد نزيدوا الزيتون هو الأخير وندخلوه غير بشوية في العجين بش متكحالش
ندهن مول مستطيل بالزبدة والطحين و نكب فيه ثلث العجين
نستف البيض المصلوق ومقشر على طول المول
وفي الأخير نكب باقي العجين على البيض نعملها في الفرن النار تحتها و تطيب عادية مثل الكيك من بعد نشعل النار فوقها لتتحمر
